食神趴趴走 1０- Triple O's

睇返原來好耐無講野食...咁岩 Triple O's 係公司(海港城)樓下 citysuper 入面開左~

咁 ar............無可避免都要比佢殺返刀既....xD

唔知點解，係香港人比人虐待得太耐，覺得漢堡包就係得咁上下啊？！

定係已經食麥記食到上癮...咁就滿足？

不過好肯定既就係！香港大部份人比連鎖快餐店洗壞腦....

o係外國食漢堡包，好少少既一ｄ都唔平架喂~

Triple O's 一個漢堡價，Original - $29 (連餐 $49)
BC Burger - $39 (連餐 $59)
其他 burger 大約都係 $39，仲有沙律同其他野食，不過我無留意 lu~
詳細價錢請自己睇睇 → Menu


為左 blog 上來比大家睇，我先捨命叫個餐...(最終都係如預期咁食唔晒...)
我 ordered Original burger set，應該 $49 ok 的了...但點解 $64呢？
因為 order 多片牛肉來 double the flavor....$49+15....
( 所以未睇完咪聲大大話我計錯數啊~)



個漢堡 size 幾大，算足料....我咁大食，食單片牛肉都好鬼飽~!!



o拿，zoom 近睇真ｄ，我覺得醬汁味道唔太特別囉....
但好在份量夠多，唔會話食到一半就乾柴咁~




唔係想搞核突，只係想講，我o個朝早上無食早餐的....
但食個 double flavor 食到依到，我已經 feel 到8成飽...仲要一條薯條都未食過....

= 長。驅。直。進 =

Triple O's 個漢堡既味道
其實我覺得好一般~!!!

係~ 係~ 係~! 我知唔少人贊佢好食，但真正好味既漢堡包...

1) 包 :- 起碼個漢堡殼 - 麵包要自己造，成日一[手查]上手就軟晒塌落來既包唔該行開~!!

2) 牛肉 :- 極需要濃肉味既牛肉，加上即時既爐邊炭燒！熱辣辣既牛肉，聞著一陣陣炭香配埋凍凍地既鮮蕃茄，青瓜.....等等的配菜...
ooush~ 一啖咬落去o個Ｄ先叫漢堡包啊~~~~~~

3) 廚師 :- as bonus point....多個靚仔廚神係藍天白雲紅太陽高樹既路邊鋪...
幫你即叫即烤係醒神好多的~

所以，Triple O's 衰o係環境因素...無得燒塊靚肉出來.....
《citysuper(TST), Great(金鐘) & Exchange Square (Central)》，燒得出實火燭....
牛肉肉味唔夠濃，我加多片完全都只係(加)重左量沒重到質，死得~!!
聞落唔夠香味，漢堡包專門店o個種味真係令人食指大動的~!!
香氣會令食物美味度 & 吸引力提升 10% 的~

我知好多人鍾意食好似依隻咁好肉地的薯條~
但我賤骨頭鍾意食幼身短薯條，脆既仲岩...
(k, i admit this is very 老麥's taste~ xD)

yet，我覺得O記薯條最唔掂係因為ｄ薯條唔熱，
食落就覺得勁漏勁澱粉質....成口粉好散...
仲要無薯皮，咬落無乜口感......各位去試食真係咪 order 套餐啊~!!!


p.s. BC burger 好食過 Original

Tags: 漢堡包, 麥當勞, McDonald's, Burger, Triple O's, Food