食神趴趴走６ - 三和田

今日朋友帶左我去九龍城食日本野.....玩大件夾抵食o個隻~

佢唔帶我真係唔知，哇....乜九龍城依家咁空既...無乜人氣唄~
而且ｄ咁矮既樓對我依ｄ足不出戶既網絡鄉民來講簡直好似去左第二個國家咁...
簡直成個大鄉里出省...

* 圖中可見，間三和田係ｄ舊樓下面，up up dup dup 既街坊餐廳咁上下，
所以要食得豪既日式就唔好揀依樹啦....

車~ 咁點大件法先？ ok~ ok~
簡單ｄ講，個廚野同切魚生o個位師傅好似當ｄ野唔使錢咁...
斬晒鯨大堆推出來，慌死我地食唔飽咁...


明明兩人 order 就堆四人份量....(上面係我地 order 既第二碟魚生，
白拖羅好似當籮蔔咁比客；第一碟先勁多....但今日甜蝦麻麻地....
但兩個人份量竟然比成廿隻！=_=")


隔離搭既四個人o個碟就似自助餐個盤咁多~！！！
o個碗蟹子沙律唔係4人份，只係兩份！！！！
好好笑，食到最終對面o個對 couple 既老公係到話：
『哇！ x_x 佢再來我地計返佢錢架啦，每件一百啊~~』

好，隔離個阿叔話蟹子沙律好正喎....
of coz 即刻 order 啦，味道唔係我鍾意o個隻料理方法，哇但係~！！！
個蟹子好新鮮喎....咬落去勁勁勁勁脆，好似食o個ｄ爆炸糖咁....正！
而且成個沙律都完完全全撈滿晒蟹子....食得非常過癮~！！！


燒物：


天婦羅蝦細細隻，即炸即出...入口勁熱~
ｄ炸野外皮幾薄，個醬唔會太厚，幾好食...


秋刀魚 ok...xD 我依家當然覺得自己整得好食過去啦....wakaka~
同場加映任飲既汽水，有綠茶、可樂、cream soda、芬達...任你自己直接係雪櫃羅~
所以真係食得好爽...唔使怕口渴，就著就著來飲~ kool`

其實仲叫左牛肉鍋，不過o個時已經太飽，而且食落無乜味，ｄ牛肉又"鞋鞋"地...
都唔記得影相 lu~

總結：
大件：５分 (滿分)
抵食：５分 ($118 + 10% => $130就出得門口喎，仲想點？！)
地點：３.５分 (九龍城，邊樹去都要坐車啦，你估 CWB / MK 咩~)
味道：３.５-４分
(生野好新鮮切得又方正大件有口感，所以味道實有咁上下...
但熟食既咪就係百零蚊既食肆會出既日式出準囉，要熟食又清又甜又入味又正宗既，
喂，比多個 double 起碼啦阿生~)

比個 menu 你地參考啦~!! 有訂既就限時兩個鐘，walk-in 客就個半鐘。
不過講真，食得到成個鐘唔停的話，肯定已經飽死左~