我知大家覺得咁多活動又多野講嘻嘻哈哈o既人係一定唔鍾意孤單
但我覺得我個孤僻 DNA係遺傳自我老豆...
而我無記錯,我細個小一同小二o個陣...
我係怕羞到完全唔講野同無朋友的!
我估成世界或者剩返我媽知......
就算到今時今日,我其實仍然好孤僻!
當然,我自己既解說係我極度需要一個人獨處o既時間 and/or 空間!
如果有一日,無返一個鐘我係 awake 而唔使同人講野,自己做自己野...
我估過兩三日,我暗地裡已經會愈來愈浮噪...
忍無可忍我絕對會避走幾小時純粹去行下,或者叫你收聲!
同埋我係無咩議題要諗或者解決,但依個就係我o既習性。
或者上網成癮症有加劇依個狀況,
但係唔上網我都想有一個人o既時間...聽歌同無稽幻想係我朋友。
同埋我突然 find out 點解我會愛上去 Gym-!!!
正正係一個人自己做自己o野!
除左 occasional Home Alone 我經常 lunch alone 透氣~!!
獨。樂樂也!
沒有留言:
發佈留言