2007 年度十大勁歌頒獎典禮 - 睇到O晒嘴!!!

首先我要多謝 TVB、多謝經理人、多謝唱片公司，
今年比我坐到第二行既位...

咁個免費唔使三舊五既位究竟有幾前呢？
即係坐係阿樂小姐前面o個行.....對正歌手坐既段數上....



所以即使我係個萬年連電視電台直播&重播都唔睇唔理既人，
但概然我咁鍾愛Ｒ著數，著實係非常滿意依個安排......喔耶～

講多無謂，今日真係 O 晒嘴

1/ 無諗過對我地咁好，row AG 原來係第二行，
真係犧牲無去今年(貴到 PK) 既 Wild Day Out 都抵返！



2/ 十大歌曲：
唔明《富士山下》、《男人 KTV》& 泳兒o個首唔知乜會入！！！
泳兒其他紅ｄ既唔揀，TBB 想話自己有獨特眼光品味乎？！

3/ 新人獎海軍鬥水兵，ｄ獎既排序只不斷顯示出該經理人有幾強勁！！！

4/ 孖妹羅亞太區最受歡迎女歌手，真係Ｏ左，香港原來人選(非人材)屌零得咁交關！

5/ 張敬軒印錯成王苑之真係咁都得，新聞日日有，依鑊特別O!!!!!
好彩唔係阿叔頒獎，不然咱們的經理人就無得咁得戚，事後仲要偷笑....一.一+


終極錯誤扯到成班歌手出來撐場....


其實我覺得 Ivana present 得算大方，佢既反應已經可以加分～!!


p.s. 今日竟然仍然有機會見到 Tanya，真係爆開心！



p.s.2 無帶自己相機去，無諗到 TBB 既 fun 竟然可以影相...
難得坐咁前，真係蝕啊～～～～～～～～～～～
其他相片請看推前12號的插播。

p.s.3 今日其實去左 Four Seasons 食 lunch buffet，
但真係多野寫到無法完成....sor~

Tags: 張敬軒, Hins, 王苑之, Ivana, TVB, 十大勁歌頒獎典禮, 崔建邦, Tanya