[Nosebleed] 蓮藕蜜糖

話說，

我到左十歲左右開始，突然有一期係成日流鼻血！
依家就間唔時都流來清清毒素.....xDD

但o個時既情況係去到恐佈都形容唔到，狀況 :-

1/ 起身好似兇殺案咁，全個人半身浴血係張床上面....
成個枕頭濕晒 (當然唔係因為流口水!!)，張被同面都血血模糊...
但o個日又無暈喎，幾好野啊～～～～

2/ 著著件藍色校服，行到 Pacific Place 既"空地" area (西武對開)...
突然爆血奔流出來成地都係，成包新既 tempo 都止唔著...話時話真係好Ｑ壯觀~

3/ 排排下隊流鼻血，仲比個白癡警長喝著叫我顎高頭止血....
全棚人話佢聽要 dup 低頭先岩，佢仲話我地錯...
真係比佢吹到 bear 一聲.....

=> 睇西醫佢話我鼻膜薄，用ｄ廢到無倫既"膠水"老點我個鼻兩次...
膠左我廿分鐘就收我四舊！當然，事後證明係完全唔 work~!!!
個零星期內又流過～～～～～～～～～

後尾我阿媽係跟人地個阿媽學，整ｄ生蓮藕汁我飲左兩個月到就好左~!!
不過冬天流鼻血高峰期，嫌太凍既我建議溫水座暖ｄ先飲！
流一次半次o個ｄ唔該唔使試，真係反覆奔流 +但又細細雞死唔去 +兼西醫昆到醒就試下啦...

蓮藕涼血止血，生用更佳；蜂蜜潤燥解毒。此汁可清熱涼血，補中止血，小兒有鼻衄出血反覆發作，常吃此露可預防出血。

原料：鮮嫩藕 & 蜂蜜

制作：將嫩藕洗淨切碎，絞汁再加蜂蜜拌勻，即成露液。