當然我唔怕琴姐 (as if 佢真係女鬼囉~)
當然我依舊鍾愛老關...
其實我初聽時真係唔覺李香琴係女鬼...
我反覺得係老婆留彌之際跟老人癡呆老公道別.........etc.
[i.e. 讀白入面廣東話既用詞同語調，
我仍然好難想像係過"百年前"的女鬼版本]
ok~ 比幾個 frds 妖完話唔聽女鬼歌之後，
我諗諗下覺得其實女鬼角度切入好似仲正...
《三千年前》我當然無料係到分析，不過老關o個幾句，
歌手：十二金釵 Feat 關淑怡／李香琴
作曲／編曲／監製：陳輝陽
填詞：林夕
再見 唔好怪我第一句就同你講再見
因為我真係專程來同你道別o架
你唔講o野 淨係聽我講o野 o個陣時個世界好安靜
冇而家咁嘈 襯得我特別吱喳 特別開心
我記得 同你去睇日落
你會響我耳仔邊講o野 你講得好細聲
其實我一o的都聽唔清楚咖
不過 我好鍾意聽你咁樣同我講o野
以後 再冇人咁樣同我講o野喇
因為你話畀我知 你要走喇
忽然間 經過o左好多年
我冇再睇過日落
關：趁熄滅前 還可一見
蠟成了灰 沾污了我的臉
眾生萬年 淚海被填
浪漫擱淺 舊歡不變
我記得 你同我去過o既每一個地方
o個o的地方 通通留o係我心裡面
我唔會講
我老喇 我只係會講
我o係度太耐 時間耐o左
難免知道人總會慢慢咁將過去淡忘
又會睇住o的o野 無聲無息咁樣消失
我點解要走
我先兩日 唔知諗緊乜o野
無端端走o左去睇日落
個日落 就同我記得陪住你睇o個個樣一樣
不過就算我點樣裝出若無其事
我都冇辦法唔承認
我失去o既o野實在太多喇
關：趁熄滅前 還可一見
蠟成了灰 沾污了我的臉
眾生萬年 淚海被填
浪漫擱淺 舊歡不變
我要走喇
如果你記得返我係邊個
我知道
你一定會 好唔捨得我
仲會好掛住我o架
再見
聯系返兩首詩又當李商隱真係講愛情既話....
兩詩 support 更廣既故事結構....
如果代入成女鬼版本 :-
《無題》女鬼同前世愛人人鬼殊途難相聚，分離雖難過亦鐵定需永別...
相見時難別亦難，東風無力百花殘。
春蠶到死絲方盡，蠟炬成灰淚始乾。
曉鏡但愁雲鬢改，夜吟應覺月光寒。
蓬萊此去無多路，青鳥殷勤為探看。
> 因為你話畀我知 你要走喇
> 我要走喇
過去耳語恩愛日子早已逝去，但無可奈可...
> 日落 & 耳語
不顧一切的思念和犧牲帶來無日無止的痛苦~~
淚如蠟滅成灰沾污臉...
> 我o係度太耐 時間耐o左
早上愛人對鏡髮如霜，夜女鬼思愁深鎖...
人與鬼、日與夜...概相隔又無法見面....
> 你唔講o野 淨係聽我講o野
> 我冇再睇過日落
《錦瑟》孤單悽涼追憶前塵，年華已過...
錦瑟無端五十絃，一絃一柱思華年。
莊生曉夢迷蝴蝶，望帝春心託杜鵑。
滄海月明珠有淚，藍田日暖玉生煙。
此情可待成追憶，只是當時己惘然。
痛定思痛都係放手...
肯定唔會句句讀白都 plug 得 in 入去...
我都已經覺得聽首歌 copy & paste 咁多已經太陸化式 BS文~!!
sor~ 都係時候盡快收文......=$
但以鬼身睇故事....
癡情女鬼一直追隨隔世情人無日無止...
概然係鬼，就唔見得日光，當然無再睇日落...
過左好耐好耐好多世好多世....
女鬼終於有日"唔知點解"去睇日落....
最終的時辰將至時來跟前世愛人永訣。
p.s. 好多人話女鬼版好恐佈，其實諗真ｄ啦....
老人癡呆版先更真實同入下醫院/療養院就知機會率幾高！
你問我邊個版恐佈？我絕對認為係癡呆版永別的殘酷，來得更驚心可怕！
所以我寧願寫出來強化腦入面個鬼故來聽歌...
wow~ 好似真係好 feel o的～ xD
Tags:
沒有留言:
發佈留言