食神趴趴走１２- 么鳳話梅王 $80[vs]$40

我一向都鍾意食野，不過零食方面呢...
我係鍾意零食物語/優之良品既甜食類人仕...
口笠濕o個ｄ我完全唔買，連人請都唔食o個隻...

但前排見到網上討論又提起有間話梅王好好食叫『么鳳』
Ｄ話梅要幾十蚊兩？唔係 fa~!!!! 咁先記得原來我仲未試喎....

當然，睇網信人不如信己...經過銅鑼灣就去左波斯富街o個間買左兩包...
去到見到好多傳統零食，今日專程要試既話梅就 $10/30/40/50/80蚊一兩都有...
反正我又唔"好"話梅，依世都唔慌買多次，所以試野就試盡ｄ...


買左包終極級 $80/兩，另一包 $40/兩返來 A/B test...~!!


$80/兩 得6粒真係超勁貴！


$40/兩就有9粒....其實鍾意食既人，長買來食佢既味道已經相當唔錯！

睇來ｄ話梅真係同黑朱古力既 fans 有得揮....@.@"

A/B test：
首先我本身係幾唔鍾意食話梅的，但睇來依個都只係細個食左 cheap 梅既錯！！！
我唔鍾意話梅得個死鹹爛鹹，食完仲口渴過唔食，但E？依兩粒都無依個問題...~!!
不過話梅仍然係無乜肉，完全靠食佢陣味既內涵撐場....
對我依ｄ咁膚淺既食家就又係問題....得個嗒字！

我先食 $80 o個隻，入口即爆 - 喔！係口水即時勁流出來...
(雖然，我從來都覺得食話梅既"正斗之處"查實咪又係ｄ粉作怪...)
第一口感係幾鹹喎，食落覺酸，"梅"到粒核既時候多數都 feel到甜味...
粒核比較大 (正常o既又，成$14蚊粒，個梅size其實係大ｄ的)，
成粒嗒落比較持久，有少少五味雜陳，講唔出佢 exactly 咩味....
不過爆完口水後全無口渴既問題....粒核仲好好梅添~~~~


$40，買左隻特甜，甜味係我一向鍾意既野...
雖然平ｄ，但我自小對話梅既偏見佢都無o個ｄ問題，
甜得極端ｄ，鍾意既會相當討好...
但口味比較單一化，嗒落無話會轉變咁...
不過如果鍾意 exactly 依隻甜味既，唔係仲好咩？


結論 :
好 彩！依家試完都無上癮，不過食完兩包就唔知啦....
話梅整到咁透，連個核都嗒得出味....
唔知點解，我成日都對傳統中式食品有ｄ偏見...
硬係覺得食得多會生野，但又唔見我平時食得健康喎...xD

岩岩認識到話梅原來仲可以分傳統味 & 甜、酸、苦 + 小辣味...
真係勁！一粒話梅都可以咁刁鑽...
不過好在我唔"ho"口笠濕，
唔係唔使問阿貴我都會中招繼續買落去....

可能世事往往就係咁，中階癖性重...
旗艦級果然唔同ｄ，乜都提供晒比你...

可幸本人木耳，oh sor~ 係 mok嘴... oh oh...木嘴....xD
$40蚊o個隻都食得好夠過癮，
如果我再買，我估我下次買隻 $30 或以下 既都好夠食lu~~
kukukukukuku~!!

* 么鳳成日都有人話好多間，但我知係真o既老字號好似係得o依兩間 :-
銅鑼灣 - 富明街 & 波斯富街 (咁多年都無改名又開咁近，我估係真既自己人掛?!)

九龍城o個間已經比人告到改名變公鳳，
雖然佢話貨源一樣啦，但個名睇來都比人郁得到既，
即唔係正牌么鳳囉~

Tags: 么鳳, 話梅