泰式食 - Thai Perfect (Tel : 2890 4899)
銅鑼灣東角中心 8/F [即 Sogo對面好多人拉客上樓食飯o個座大廈]
↑明顯....好清楚.....我慌死你唔去食....xD
如果我無記錯，應該同謝斐道間『泰簡單』應該係同一個老細...
不過『泰式食』既價錢 range 貴過o個間ｄ...
yet, 反正我覺得真係好食就唔應該用價錢衡量....
唷....都係唔講咁多無謂野 side 時間....=.="
ok, 係時候來 hard sell 下點解依間咁岩我心水
1) 有裝修，地點就腳...岩晒我地依ｄ CWB人
晚上係 7:30pm過後先多人，我約親都早去...
人煙會比較少....所以次次都食得幾爽~
當然大家都唔使止意依家香港繁忙時間既食肆會無乜煙啦....(怒^)
2) 雖然話係泰菜，但係應歸類為 Fusion - 西餐 + 泰菜會比較岩
講真，出街食飯咁多年，ｄ傳統泰菜真係食爆左唔多想食啦喂...
依兩間『泰系』既菜都比較多樣化...會有 ribs、三文魚....整沙律......etc.
伴碟都幾別繳，用料配搭係有心思o個隻，唔會話炒埋一碟就隊出來...(汗!!)
3) 味道 - 好！食得泰國菜都重香辣調味架啦......
so pls don't expect 無味精....清淡派都可過主啦~
而依間野幾夠鑊氣，同埋幾新鮮....今日食左盤生蝦頭盤...
非常脆 & 爽口...個汁夠辣好過癮....(缺相，忘記左 >.<)
之後今日叫左個雜菜煲炒粉絲....好入味但有ｄ鹹...
因為同阿媽去得兩個人食，唔想咁 full 之下無叫濕炒河...
但上次食過，海鮮濕炒真係正，多料多汁；絕不怕食剩河粉無料送...
我去親次次都叫，我覺得個"咖哩"炒蟹...激正！！！$158 only~
有好濃既椰香味...食落仲會搵到好滑既椰青肉...yummy~
以口食為憑，斷估佢既用料：
咖哩味其實唔太重，但椰汁味好濃，應加左椰青水去煮...
仲加埋蛋花，所以非常滑溜同香甜；
隻蟹就爆過先上汁，又有蔥同 onion 墊底...入口非常香~!!
仲要隻蟹又大大隻實肉...抵到爛！平過自己去街市買返來整~
買都起碼 $70-80 蚊隻，加個椰青起碼 $15...仲未計其他香料錢...
所以咪煩啦~!!諗起就碌去食啦...
每次既結局都係連汁都唔放過！！！次次都叫 2-3客薄餅齋送汁先夠喉~
(搶著食o個隻又白又肥既肉手係我阿媽....xD)
今日得兩個人食得唔多，兩人對分隻蟹其實已經鯨飽...
不過去得就記著叫最貴o個幾碟來食...
因最貴o個碟先 $160 樓下...多數先 $70-80蚊碟...
埋單大約 $150-200 /人，勁飽...滿足感爆晒燈...完全接受範圍內啦~!!!
食過佢既燒西冷牛，泰式醬汁配，出奇地好夾，甜甜辣辣...好醒神~
我記得食過羊扒定羊脾，唔羶...香口又嫩...好過去西餐食扒...
兩樣野....我記得先$80到，不妨試下~
仲有佢既三文魚、柚子、生蝦...etc 既沙律都辣得來自己整唔到，記得叫啦~!!
當然，佢傳統蝦醬炒飯、豬頸肉同個蟹煲都好掂~
Last call....11am 開到凌晨 3am 啊....9pm後有 live band.....
服務員全部都係泰國人啊，不過.....識講廣東話既....so 無藉口唔去啦下話！
沒有留言:
發佈留言