但剛剛10分鐘前 (9/25 1:30am+) 發現佢偷刪埋吹水區個 post~
個 po 犯左咩版規要刪？除左有損佢面子之外？！？？
事件發生經過：
阿本港最大耳機網站網主 2006/9/21 PM 我，話我頭像過大犯規
我 print screen 多次證明並無其事，
並有提醒佢清空 browser history / cache problem後再測試。
但佢反覆指控我仍然頭像過大....
及完全無視本人提出之print screen證據！
該等無視及無根據的否定，嚴重否定本人之誠信及尊嚴...
及後論壇 open thread 中其他網友 print screen 亦證明到我 9/12日，
即於指控之 9 日前已修正完成為合版規頭像！
至於他殺 po 前，open thread 幸存的 print screen 如下：
一般網民如我，就算對"cache"一詞不了解，
亦會對清空 IE history 有所聞...
佢完全唔相信我自己的證明外，連佢平常成日拿來做左右銘既：
尊重、接納、同分享。
關懷、守時、重承諾。
佢有接納過其他網友既證據咩？
你一向覺得我串唔緊要，但你信自己之外，個公開貼到show到你完全唔信其他人...
依ｄ咩心態行為啊...網主對網友唔係應該有一定程度既信任既咩？
你個網由細做到大，語言乾淨清新，不乏提倡正確道德黑白既觀念...
但...現在...?! 完全看不見身體力行 -『易講難做』唔係無道理~!!!
佢有尊重過我尊重過事實而比返個清白我咩？
連我要求道歉既 pm，佢除左唔肯公開道歉外，回都無回過！
唔敢回係怕無面？
唔需要回係 - 還他人清白 = 浪費時間？
日常承諾既正直去左邊到？
中年人對電腦既知識不足一點都不意外，一時三刻既無知好醜咩？
你唔識但樂於去了解無人會話你，政府都提倡全民終身學習！
不恥下問，如果我 2nd PM 後你有回其實睇唔明 cache problem...
你覺得我會無聊到硬要串你然後指著你來笑咁話啦喎？
bal. sheet 兩條數對唔埋，都兩邊一齊做過或者對數，查出原因啦..
我show出150，你睇到170...你無show證據無show盛...
剩係識得咬著隻貓唔放！咬著170唔放~ 咬著我唔放~
點解你做到幾十歲人見過咁多大小事都可以一口否定別人先？！
但因為你既無知，而誤會左一個守你規則既網友，
你有無諗清楚你既愛面子/執意堅持既否認對我既傷害幾大啊？
依件事上你唔服咩？講真，我好唔服添啊~！！
無知唔係罪， 固執係擇善時先應該堅持...
當一個誤會發展到傷害另一個人既清白及聲譽時...
你係咪應該走出來勇敢面對自己造成的一個誤會？或者一個不小心既錯失啊？！
負返起個責任，做一個有承擔既人，絕不會引來其他人既卑視！！
但有如縮頭烏龜般走左去，全無交代的用鴕鳥政策來胡混...
如此只顧自己面子、網主權威但妄顧別人感受既人...
一個真正正直既人並不會不重視別人既清譽！！！！
我一直以為同你只係道不同不相為謀；你玩你既 C/P值，我有我既好高傲遠~
我自己friend 既耳機友我地一直自己有自己去格價買平貨...
但從來咩自由行同新仔，我知你貴，但我都放心推薦去你間鋪...
我知咁樣我唔會有鑊，總算有問題起來都有個睇落似有責任心有交帶既人睇著....
但今次從無知所引發，係我角度睇到既...
無知 > 誤會 > 堅持 (仍因無知) > 公開/揭發及證明 > 退縮 > 愛面子 > 偽善 (刪文及不道歉)
我叫你道歉唔係因為我串要羅彩，除左我對聲譽既絕對堅持外...
我仍 expect / regard 你係一個有承擔既人...
NOW?! 你真係比足我滿分 - 爆晒燈既意料之外的失望！！！！
你自己諗清楚，係咪為左ｄ咁無聊既小事(道歉)而值得將你一直以來建立既正面形象甚至自己做人一直守持既觀點(大事)踐踏打翻。
係你既人格同給予人既觀感方面，真正既小事化大莫過於此，
要小事化無 (道歉做返個好人)，定因小失大....全係你手。
人在做，天在看...我依篇文既觀感，我敢肯定！
絕不止一個我或五個或十個常駐你網站既人有同樣感受。
Remark: 我做人好坦白，或者應講坦白直接到插親人
我唔怕 link 埋我最勞氣最火滾時既 po 出來...
比人屈而態度"唔好"都唔代表抵死架依個世界！
http://vienneng.blogspot.com/2006/09/blog-post_22.html
沒有留言:
發佈留言