食神趴趴走７- 金鋒粥麵

OK，今日要介紹既呢就返翻來太古依頭既街坊野食...
(當然太古入面就無平野架啦，過少少[魚則]魚涌就有ｄ唔錯既~)
o拿，o係116巴士總站，即麥當勞對面～
有間叫『金鋒靚靚粥麵』又係行平價市場...




佢朝早開早市同晚黑賣到六點鬆ｄ鐘就收鋪架啦...
都幾串啊ｄ時間，不過 lunch 真係超多人~
每日仲有一款特價粥，堂食都只賣 $12蚊...
一般就 $16，我最鍾意食牛肉粥...牛肉無乜生粉，ok 好味...
雙拼粥好似 $24 之類啦....但我估味精就點都有落ｄ架啦...


佢ｄ粥即叫即煮，夠熱！鍾意食乜就叫佢拼乜...夠晒港式靈活~



岩岩依次食左個牛肉腸，超家庭式製作，似蒸牛肉條包著粉皮囉...
味道麻麻，我唔推薦叫~ 我記得之前食過既叉燒腸好似好少少...
但咁多其他野食，唔使搏啦下話...xD



佢炸兩 $10，差不多個個去都叫...好脆！午市o個陣 order 仲超熱，正！
如果糖朝連味&薄皮炸兩叫９分既話，咁依到有７分...但平一半有多~

抵食指數：廿蚊食飽無難度
味道：3.5-4分
環境：座位有少少迫
推介：當日特價粥、各種粥、銀芽炒麵、炸兩、齋腸粉(大碟)